C'l artìcol chè 'l è scrit in
Carpśàn |
Urie Bronfenbrenner (Mosca, 29 avrìl 1917 – Ithaca (New York), 25 ed setèmber 2005) 'l è stê 'n psicòlog americàṅ.
Andê cun la só famìja a stèr in Amèrica incòr cic, Urie al studdièva Psicologìa dal śvilùp mentèl ala Cornell University e pò al l'andèva a insgnèr ala universitê 'd Harvard e più terdi in dla stèsa universitê ed Cornell.
In dal 1979, al psicòlog Bronfenbrenner al publichèva la só teorìa dal Modèl ecològic. Bronfenbrenner al catèva che in dal sérć dagli influèinsi e interasiòun ed riferimèint ch'i stan dintórna a 'l ragasōl ch'a crès, i ghe staghen 4 sféri 'd influèinsa, ùna dàintr a cl'ètra, ch'a n's pōl mìa pinsèr ch'i n's ciàpen còunter. A s partìs da 'l sféri più cìchi, quìli ch'i stan dimòndi darèint a 'l putèin, a dìr quìli edla famìja, edla scóla e 'd chièter putèin, quistichè tolti dàintr a 'n sérć 'd influèinsa dal cundisiòun ed vìta e 'd lavōr di só genitōr, cundisiòun che i putèin ch'a crès i gh'fan dimòndi chèś e ch'i gh'dàn da fèr. Chi sérć chè i ciaparèven incòra dagli influèinsi ed n'ètra sféra più in fóra incòr, e ch'la srèv quèla più granda dal polìtichi socèli, di servìsi e dal reghli dal post lè dintórna indū al ragasōl al viv, reghli ch'i farèven da sfònd a 'l cugnisiòun che lò al turà sù intànt ch'al crès.
© MMXXIII Rich X Search. We shall prevail. All rights reserved. Rich X Search